Mae Meilir Rhys Williams yn chwarae Rhys yn y gyfres ddrama, Rownd a Rownd, sy’n cael ei darlledu ar S4C bob nos Fawrth a nos Iau am 6.30 p.m. Cawsom gyfle i gael sgwrs â fo am ei yrfa actio a bywyd tu ôl i lenni Rownd a Rownd!
Meilir Rhys Williams plays Rhys in the drama Rownd a Rownd, which is broadcast on S4C every Tuesday and Thursday evening at 6:30 p.m. We had a chance to talk to him about his acting career and life behind the scenes of Rownd a Rownd!
For learners: Below each paragraph is a list of useful vocabulary that should help you read the interview without having to look up words in your dictionary every two seconds! 😉
1. O ble rwyt ti’n dod a beth yw dy gefndir?
Ces i fy ngeni a fy magu yn Llanuwchllyn ger y Bala. Mi symudais i Lerpwl i astudio diploma yn y celfyddydau perfformio yn y Liverpool Institute for Performing Arts cyn symud i lawr i Lundain i gyflawni gradd mewn actio yn y Royal Central School of Speech and Drama. Bellach rwyf yn byw yn ôl yng Ngogledd Cymru.
Vocabulary / Geirfa:
- cefndir = background
- magu = to raise, bring up
- celfyddydau perfformio = performing arts
- symud = to move
- astudio = to study
- cyflawni = accomplish, achieve, fulfil
- gradd = degree
- bellach = now
2. Pryd a lle wyt ti’n defnyddio dy Gymraeg?
Rwyf yn defnyddio’r Gymraeg i wneud bob dim, bob dydd. Sgwrsio efo fy ffrindiau a fy nheulu, yn y gwaith, wrth siopa…bob man! Rwyf yn ceisio dechrau bob sgwrs yn Gymraeg pan yn siopa.
Vocabulary / Geirfa:
- defnyddio = to use
- bob dim = everything
- teulu = family
- ceisio = to try
- dechrau = to start
3. Sut gest ti dy ysbrydoli i fod yn actor?
Roeddwn i wrth fy modd yn perfformio yn yr ysgol yn y sioeau Nadolig. Roeddwn yn cymryd rhan ym mhob clwb drama a chystadlu ar yr ymgom mewn Eisteddfodau. Yna fe wnes i ymuno efo Ysgol Theatr Maldwyn sef clwb drama ar ôl ysgol er mwyn gwella fy sgiliau perfformio.
Vocabulary / Geirfa:
- ysbridoli = to inspire
- wrth fy modd = to love (first person)
- sioeau = shows
- Nadolig = Christmas
- cymryd rhan = to take part, participate
- cystadlu = to compete
- ymgom = dialogue
- ymuno = to join
- er mwyn = in order to
- gwella = to improve
- sgiliau = skills
4. Beth oedd dy brofiad cyntaf efo’r byd actio?
Y swydd gyntaf broffesiynnol ges i ar ôl graddio fel actor oedd rhan mewn drama o’r enw ‘Over Gardens Out’ yn y Riverside Studios yn Hammersmith, Llundain. Drama oedd hi gan ddramodydd Cymraeg, Peter Gill, am fachgen ifanc eisiau dianc o’i gartref yng Nghaerdydd.
Vocabulary / Geirfa:
- profiad cyntaf = first experience
- swydd = job
- graddio = to graduate
- proffesiynnol = professional
- dramodydd = playwright
- bachgen ifanc = young boy
- dianc = to escape
5. Beth wyt ti’n mwynhau fwyaf am weithio ar Rownd a Rownd?
Rwyf wrth fy modd yn gweithio efo’r criw o flaen a tu ôl y camera. Mae cwmni Rownd a Rownd yn un teulu mawr ac rydym yn cael llawer o hwyl yn ffilmio efo’n gilydd. Mae’n hwyl cael ffilmio straeon na fyswn i fel Meilir yn ei wneud yn fy mywyd go iawn. Mae wastad yn hwyl cael actio efo cymeriad Yncl Arthur gan ei fod mor ddoniol.
Vocabulary / Geirfa:
- mwynhau = to enjoy
- mwyaf = the most
- o flaen a tu ôl = behind and in front of
- teulu = family
- efo’n gilydd = together
- straeon = stories
- bywyd go iawn = real life
- wastad = always
- cymeriad = character
- doniol = funny
6. Beth yw’r peth gorau am chwarae Rhys ar Rownd a Rownd?
Fy hoff beth am chwarae Rhys ar Rownd a Rownd yw ei fod yn gymeriad ofnadwy o garedig. Mae’n ceisio gofalu am bawb ac yn cynnig cyngor a chymorth os bydd rhywun angen. Dydw i fel Meilir yn gwybod dim am geir chwaith felly mae’n ddefnyddiol cael gweithio mewn garej i ddod i ddeall sut ma ceir yn gweithio go iawn!
Vocabulary / Geirfa:
- gorau = the best
- hoff = favourite
- ofnadwy o garedig = extremely kind
- gofalu am = to look after, care for
- cyngor = advice
- cymorth = help, aid
- defnyddiol = useful
- chwaith = either
7. Sut oedd y profiad o fod yn un o’r cyflwynwyr ar S4C yn yr Eisteddfod Cenedlaethol eleni?
Roedd yn brofiad nerfus tu hwnt ar y dechrau. Dwi wrth fy modd yn gwylio rhaglen yr Eisteddfod felly roedd yn fraint cael bod yn rhan ohoni. Roeddwn i yn gweithio efo tîm anhygoel o gyflwynwyr – Nia Roberts, Heledd Cynwal, Iwan Griffiths, Tara Bethan a Ffion Dafis. Roeddwn nhw i gyd mor garedig ac yn rhoi tips a chymorth i mi. Fe wnes i fwynhau cael cerdded o gwmpas y maes yn siarad efo gwahanol bobl a gweld gwahanol bethau. Ac roedd yn golygu fod rhaid i mi fynd i fy ngwely yn gynnar bob nos felly dim nosweithiau hwyr!
Vocabulary / Geirfa:
- cyflwynwyr = presenters
- nerfus tu hwnt = extremely nervous
- rhaglen = show, programme
- braint = privilage
- anhygoel = amazing
- gwahanol = different
- golygu = to mean (something)
- rhaid i mi = I have to
- cynnar = early
8. Pa brosiectau eraill wyt ti’n gweithio arnynt ar hyn o bryd?
Mi fydda i yn cyfarwyddio sioe Ysgol Haf Galeri diwedd mis Awst. Cwrs un wythnos ydy o lle fydda i yn gweithio efo criw o blant a phobl ifanc i lwyfannu sioe gerdd mewn 6 diwrnod. Mi fydd yn lot o waith ond hefyd lot o hwyl, dw i’n siwr. Mi fydd hi’n cael ei pherfformio yn Galeri diwedd Awst.
Vocabulary / Geirfa:
- eraill prosiectau = other projects
- cyfarwyddio = to direct
- wythnos = week
- lwyfannu = to stage
- sioe gerdd = a musical
- diwrnod = day
- cael ei pherfformio = to be performed
9. Beth wyt ti’n gwneud yn dy amser sbar?
Rydw i wrth fy modd yn mynd i gerdded yn fy amser sbar. Gan fod fy swydd yn golygu mod i’n gweld lot o bobl drwy’r amser, mae’n neis weithiau jest mynd i gerdded i’r wlad i gael ychydig o dawelwch. Dw i hefyd yn hoff o gadw’n heini. Roeddwn i’n arfer CASAU mynd i’r gym, ond dros y blynyddoedd dw i wedi dod i fwynhau mynd.
Vocabulary / Geirfa:
- amser sbar = free time
- cerdded = to walk
- weithiau = sometimes
- gwlad = countryside
- ychydig = a little bit
- tawelwch = quiet, calm
- cadw’n heini = to keep fit
- casáu = to hate
- blynyddoedd = years
10. Beth yw dy hoff fand/gerddor Cymraeg?
Dw i’n hoff o lot o gerddoriaeth gwahanol. O Siân James i Chroma. Ar y funud, dw i’n gwrando ar albwm newydd Carwyn Ellis – ‘Carwyn Ellis & Rio 18’, senglau newydd Mared Williams, Pys Melyn, Bwncath, Serol Serol, Bitw a Gwilym.
Vocabulary / Geirfa:
- cerddor = musician
- hoff o = to like
- cerddoriaeth = music
- gwrando ar = listen to
11. Oes gen ti unrhyw gyngor i ddysgwyr y Gymraeg?
Tria fwynhau’r profiad o ddysgu gymaint a phosib! Ceisia roi dy hun mewn sefyllfaoedd ble mae llawer o gyfle i ti ymarfer dy Gymraeg. A paid byth a bod ofn gwneud camgymeriad – dydyn nhw dddim yn bwysig! Drwy wneud camgymeriadau yr ydyn ni’n dysgu, felly bydd yn hyderus. Rho Radio Cymru ymlaen yn tŷ ac S4C ar y teledu. Yna mi fyddi di wastad yn clywed y Gymraeg er mwyn cadw’r geiriau newydd Cymraeg yn ffres ym mlaen dy feddwl di.
Vocabulary / Geirfa:
- cymaint a phosib = as much as possible
- sefyllfaoedd = situations
- cyfle = chance
- ymarfer = to practise
- bod ofn = be afraid
- camgymeriad = mistake
- pwysig = important
- hyderus = confident
- rhoi ymlaen = put on, turn on
- clywed = to hear
- cadw = to keep
- geiriau = words
- ffres = fresh
- meddwl = mind
Dilynwch Meilir Rhys Williams ar Twitter!
I found this really useful. As someone just starting out with reading Welsh, having the conversation broken down into smaller sections made it much less of a ‘slog’ to get through than most things I try to read. Hope you’ll be able to do a few more in the future. Enjoying your other content too.